موقف يوم من الضحك اتمنى يعجبكم

بصراحة امس سار معايا موقف فطسني من الضحك وافتكرتكم وحبيت تسمعو
الموقف كالتالي:
اخويا الصغير من النوع اللي مرة يحب مهند(اللي في مسلسل نور زي ما تعرفو)
وعمرو11 سنة تقريبا
شاف اعلان العطر حق مهند ولميس..
اصر على ماما وبابا انو يشتريه..
في البداية ماما رفضت وبعدين بابا اخدو بدون ما ماما تعرف واشترالو هو..
رجع اخويا البيت طاير من الفرحة والدنيا مو سايعتو..
وكان جايب معاه تيست لعطر لميس..
واول شي وراني هو عطر لميس خلاني اشمو بصراحة عجبني وقلتلو:حلو بس كأنو حق رجال؟؟
قام قال :لا حق حريم
وبعدها قعدنا شوية وقلتلو:ها ما خليتني اشم ريحة عطرك
قال طيب وراح جابو
المهم
شميتو.......
وقلتلو روح جيب العلبة اللي كانت فيها قارورة العطر....
وهنا كانت المفاجأة
طلع عطر نسائي
طبعا هو راح فيها..
وجهو سار احمررررررررررررررررررررررررررررررررررر
وعصصصصصصصصصصصصصصصصصصصب
وانا دورو عليا لقيت نفسي طايحة في الارض وميييييييييييييييييييييييييييييييييتة ضحك
وما قدرت اسكت ومن امس كل ما اشوف وجهو افتكر واقعد اضحك وهو حيولع في
هههههههههههههههههههههههههههههههههههههههههههههههههههههههههههههههههههههاي
انتو ايش رايكم؟
j.n

لو يسير فيني كذا مراح اطالع في وجه اختي واعطيها العطر هديه

الموقف محرج ومضحك واتمنى تسير مواقف احلى من كذا